Runi Çempionşip klubundan ayrıldı

İngiltərə millisinin və “Mançester Yunayted”in sabiq futbolçusu Ueyn Runi baş məşqçisi olduğu Çempionşip təmsilçisi “Plimat Arqayl”la yollarını ayırıb.

Komanda.az xəbər verir ki, bu barədə klubun mətbuat xidməti məlumat yayıb.

Runi ilə klub arasında müqavilə qarşılıqlı razılıq əsasında ləğv edilib. 39 yaşlı məşqçi komandanı bu ilin mayından çalışdırırdı. Runinin köməkçiləri də vəzifələrindən istefa verib.

“Plimat Arqayl” Çempionşipdə 23 turdan sonra sonuncu – 24-cü yerdə qərarlaşıb.