“Karyeramdakı ən böyük mükafat “Əl-Hilal”a keçmək idi”

“Əl-Hilal”ın yarımmüdafiəçisi Ruben Neves hansı səbəbdən Səudiyyə Ərəbistanı klubuna transfer olduğunu açıqlayıb.

Komanda.az xarici KİV-ə istinadən xəbər verir ki, o, ailəsi üçün iş yerini dəyişdiyini söyləyib:

“Ailəmin yaşayış standartlarını yaxşılaşdırmaq üçün Səudiyyə Ərəbistanını seçdim. Karyeramdakı ən böyük mükafat məhz “Əl-Hilal”a keçmək idi”.

Riyad təmsilçisi iyunun 23-də “Vulverhempton”dan 26 yaşlı oyunçunu transfer edib. Portuqaliyalı ilə 3 illik müqavilə imzalanıb.

Neves başa çatan mövsümdə 41 oyuna çıxıb, altı qol vurub və bir məhsuldar ötürmə edib.