Rövşən Nəcəf: “Neftçi” azarkeşlərindən səbr gözləyirik”

“Neftçi” klubunun Müşahidə Şurasının sədri, SOCAR-ın prezidenti Rövşən Nəcəf “ağ-qaralar”ın yeni prezidenti Fərrux Mahmudovun təqdimat mərasimində iştirak edib.

Komanda.az xəbər verir ki, o, klubun son dövrlərdə fəaliyyətinin ürəkaçan olmadığını bildirib:

“Çıxdığımız yolda “Neftçi” azarkeşlərindən səbr və etimad gözləyirik. Klubda təkrar canlanmanı təmin etmək üçün strategiya hazırlanır. “Neftçi” azarkeşləri hər zaman klubun yanında olublar, heç vaxt dəstəklərini əsirgəməyiblər. Biz gördüyümüz işlər nəticəsində “Neftçi”nin yenidən yerli və beynəlxalq yarışlarda qələbələrlə azarkeşlərini sevindirəcəyinə inanırıq”.