Rövşən Babayev: “Nə bacarırdılarsa, etdilər”

Azərbaycan Premyer Liqasının 7-ci turu çərçivəsində səfərdə “Qarabağ”a 0:2 hesabıyla məğlub olan “Sabah”ın baş məşqçisi Rövşən Babayev oyundan sonra mətbuat konfransı keçirib.

Komanda.az xəbər verir ki, o, öncə oyunla bağlı fikirlərini bölüşüb:

• Rəqibi təbrik edirəm. Bilirik ki, onlar Azərbaycanın ən güclü komandalarından biridi.
• Ruslan Abışovla Cavid İmamverdiyevin oyunda iştirak etməməsinin səbəbi nə idi?
• Zədələri vardı. Cavid 15 gün olmayacaq. Ruslan isə yaxın günlərdə məşqlərə başlayacaq.
• Coşqun Diniyev əvəzlənəndə sanki narazı idi.
• Əvəzlənməyi özü istəmişdi.
• Məğlubiyyətin səbəbi nədir?
• Həftəboyu çox çalışdıq. Nə bacarırdılarsa, etdilər. Onlara təşəkkür edirik.
• Qol vura bilməmək hücumçularla bağlıdır, ya “Qarabağ”ın müdafiəçiləri yaxşı oynadı?
• Bu, sadəcə, şanssızlıq idi.
• Uşaqlara təşəkkür etdiz, amma sonuncu pillədəsiz…
• Bu oyun üçün təşəkkür etdim.
• Sonuncu pillədə olmağın səbəbi nədir?
• Bunu öz aramızda danışıb, təhlil edəcəyik.
• Baş məşqçi məsələsi bu fasilədə həll olunacaq?
• Düşünürəm ki, bu, rəhbərliyin məsələsidi.

Aygül Qarayeva