Ronaldoya yeni müqavilə təklif olunacaq

Səudiyyə Ərəbistanının “Əl-Nəsr” klubunda hücumçu Kriştiano Ronaldonun gələcəyi ilə bağlı qərar qəbul edilib. Klub 39 yaşlı futbolçu ilə müqavilənin müddətinu uzatmaq istəyir.

Komanda.az AS nəşrinə istinadən xəbər verir ki, “Əl-Nəsr”in idman direktoru Fernando Yerro Ronaldo üçün yeni müqavilə təklifi hazırlayır. Hazırda Ronaldonun mövcud müqaviləsi 2024/2025 mövsümünün sonuna qədər qüvvədədir.

Ronaldo “Əl-Nəsr”də ümumilikdə 83 oyun keçirib, 74 qol vurub və 18 məhsuldar ötürmə edib. “Transfermarkt” portalı beşqat “qızıl top” mükafatı sahibi futbolçunun dəyərini 12 milyon avro olaraq qiymətləndirir.