Van Dayk Ronaldonun komanda yoldaşı ola bilər

Niderland millisinin və “Liverpul”un müdafiəçisi Vircil van Dayk karyerasını Səudiyyə Ərəbistanı çempionatında davam etdirə bilər.

Komanda.az xarici KİV-ə istinadən xəbər verir ki, niderlandlı futbolçunun xidmətində “Əl-Nəsr” maraqlıdır.

Van Daykı Səudiyyə Ərəbistanı klubundan başqa, “Barselona”, ​”Yuventus” və “İnter” də almaq istəyir. 32 yaşlı müdafiəçinin “qırmızılar”la hazırkı müqaviləsi gələn ilin yayında başa çatacaq.

2018-ci ildən “Liverpul”da çıxış edən futbolçu İngiltərə çempionatının cari mövsümündə 17 oyun keçirib, 1 qol vurub və 1 məhsuldar ötürmə verib.