Ronaldonun klubundan “Qarabağ”ın keçmiş futbolçusu üçün təklif

“Qarabağ”ın keçmiş qapıçısı Asmir Beqoviç karyerasını Səudiyyə Ərəbistanında davam etdirə bilər.

Komanda.az xəbər verir ki, Kriştiano Ronaldonun formasını geyindiyi “Əl-Nəsr” klubu 36 yaşlı futbolçu üçün “Everton”a təklif göndərib. Bu barədə “Sky Sports” məlumat yayıb.

“Everton” Beqoviçi buraxmaq istəməyib. “Əl-Nəsr” yaxın vaxtlarda qapıçı ilə bağlı yenidən müraciət edəcək.

Asmir Beqoviç 2019-cu ildə icarə əsasında “Qarabağ”ın formasını geyinib.