Ronaldo İlon Maskın təbrikini cavabsız qoymadı

Səudiyyə Ərəbistanının “Əl-Nəsr” klubunun hücumçusu Kriştiano Ronaldo, məşhur iş adamı İlon Maskın Asiya Çempionlar Liqası matçında qələbə qazanması münasibəti ilə təbriklərinə cavab verib.

Komanda.az xəbər verir ki, 39 yaşlı futbolçu amerikalı iş adamına sosial şəbəkə hesabından səslənib:

“Möhtəşəm futbola görə vaxt tapdığınız üçün çox şadam”.

“Əl-Nəsr” səfərdə “Əl-Qarafa” üzərində 3:1 hesablı qələbə qazanıb. Ronaldo bu görüşdə iki qolla yadda qalıb.

Portuqaliyalı forvard 2023-cü ilin əvvəlindən Səudiyyə Ərəbistanı klubunda çıxış edir. Onun “Əl-Nəsr”lə müqaviləsi gələn ilin yayında başa çatacaq.