Ronaldo: “Ançelotti “Real”ın uğurunun açarı idi və belə də qalır”

“Əl-Nəsr”in hücumçusu Kriştiano Ronaldo “Real”ın baş məşqçisi Karlo Ançelotti haqda xoş sözlər deyib.

Komanda.az “Record”-a istinadən xəbər verir ki, portuqaliyalı futbolçu, Ançelottinin təkcə yaxşı insan deyil, həm də böyük məşqçi olduğunu bildirib:

“Yaxşı məşqçi olmaq nə deməkdir? Düşünürəm ki, bunun asılı olduğu bir sıra amillər var. Mənim üçün ən önəmlisi futbolçularla necə işləməyinizdir. Ançelotti isə məncə, onlarla işləməyi bilənlərdən biridir. Mənim üçün o, “Real”ın uğurunun açarı idi və belə də qalır. Təsadüfi deyil ki, klub son illərdə bu qədər kubok qazanıb. Bunun üçün qeyri-adi və xüsusi bir şey tələb olunur və o da Karloda var. O, təkcə yaxşı insan deyil, həm də böyük məşqçidir və bu, çox vacibdir”.

Ronaldo 2009-2018-ci illər aralığında “Real”da çıxış edib.