Ronaldo “Əl-Nəsr”dən ayrılacaq?

“Əl-Nəsr”in hücumçusu Kriştiano Ronaldo karyerasını ABŞ-ın “Los Anceles” klubunda davam etdirə bilər.

Komanda.az xarici KİV-ə istinadən xəbər verir ki, MLS təmsilçisinin hücumçusu Karlos Vela klubu tərk etsə, “Los Anceles” Ronaldonu transfer etməyə çalışacaq.

Öncədən portuqaliyalı forvard Səudiyyə Ərəbistanı təmsilçisində qalacağını bildirmişdi. 38 yaşlı futbolçu 2022-ci ilin dekabrında Riyad klubuna keçib. Onun klubla hazırkı müqaviləsi 2025-ci ilin yayına qədər nəzərdə tutulub.

Ronaldo 2022/23 mövsümündə “Əl-Nəsr”in heyətində 19 oyuna çıxıb, 14 qol vurub və 2 məhsuldar ilə yadda qalıb.