Ronaldo yeni kluba keçə bilər – Dekabrın sonunadək

Portuqaliyalı hücumçu Kriştiano Ronaldo dekabrın sonuna qədər “Əl-Nəsr”lə müqavilə bağlaya bilər.

Komanda.az xəbər verir ki, bu barədə “The Times” məlumat yayıb.

Ronaldo Avropada klub tapa bilmədiyi üçün azad agent kimi Səudiyyə Ərəbistanının “Əl-Nəsr” klubuna keçməyə yaxındır.

Məlumatda qeyd edilir ki, Ronaldoya Qətərdən də təklif gəlib, ancaq bu təklifin maliyyə şərtləri “Əl-Nəsr”in təklif etdiyindən daha pis olub.

Noyabr ayında Ronaldo “Mançester Yunayted”lə müqaviləsini ləğv edib və hazırda azad agent statusundadır.