“Ronaldo vazkeçilməzdir, amma o olmadan da yaxşı işlər görə bilərik” – Silva

“Mançester Siti”nin və Portuqaliya millisinin futbolçusu Bernardo Silva yığmadakı komanda yoldaşı Kriştiano Ronaldo ilə bağlı açıqlama verib.

Komanda.az İngiltərə mətbuatına istinadən xəbər verir ki, 25 yaşlı futbolçu, Ronaldonun millidəki yeri haqqında danışıb:

“Bir gün Ronaldo karyerasını bitirməyə məcbur olacaq. Bu baş verəndə, hamımız üçün üzücü bir şey olacaq. Bunun səbəbini izah etməyə ehtiyac yoxdur. Ronaldo yeri dəyişdirilməyən bir futbolçudur. O, hər oyunda komandanın heyətində önəmli rol oynayır.

Amma nəzərə alaq ki, millidə yeni nəsil çox güclüdür və yaxşı nəticələr qazanmaq üçün hər şeyə sahibdir. Ronaldo vazkeçilməzdir, amma məncə, o olmadan da yaxşı işlər görə bilərik”.