“Ronaldo mənə dedi ki, Messi olmasaydı…” – Həbib Nurməhəmmədov

UFC üzrə çempion Həbib Nurməhəmmədov “Yuventus”un hücumçusu Kriştiano Ronaldo və “Barselona”nın futbolçusu Lionel Messi ilə bağlı açıqlama verib.

Komanda.az xarici mətbuata istinadən xəbər verir ki, iki hücumçu arasındakı rəqabət haqqında danışan idmançı, “Real” azarkeşi olduğunu bildirib:

“Uzun müddətdir “Real”ın azarkeşiyəm və Ronaldo ilə də yaxın dostuq. Buna görə də, düşünürəm ki, bu iki futbolçu ilə bağlı sualın cavabı aydındır. Kriştiano ilə bir dəfə bu mövzuda danışmışıq. Ronaldo mənə dedi ki, Messi olmasaydı, o, bu qədər güclü ola bilməzdi.

Hər zaman rəqiblərə ehtiyacınız var, bu, sizə daha yaxşı hiss etdirər. Eyniylə biznesdə olduğu kimi, rəqabət yoxdursa, bazar da olmur. Bu baxımdan, məncə, Ronaldo ilə Messi bir-birini tamamlayır”.