Ronaldo “Liverpul” azarkeşlərinə təşəkkür etdi

“Mançester Yunayted”in hücumçusu Kriştiano Ronaldo yeni doğulan oğlunun ölümü ilə bağlı ona dəstək olan “Liverpul” azarkeşlərinə təşəkkür edib. 

Komanda.az xəbər verir ki, Ronaldo sosial mediada azarkeşlərin videosunu paylaşaraq yazıb:

“Bir dünya… Bir idman… Bir böyük ailə… Təşəkkür edirəm, “Enfild”. Mən və ailəm bu hörmət və mərhəmətinizi heç vaxt unutmayacağıq”.

“Mançester Yunayted”lə matçın 7-ci dəqiqəsində “Enfild”də Mersisayd təmsilçisinin azarkeşləri, eyni zamanda, “Liverpul”un baş məşqçisi Yurgen Klopp portuqaliyalı futbolçunu alqışlarla dəstəkləyib. Amma Kriştianonun özü oğlunun ölümü ilə əlaqədar bu matçda iştirak etməyib.