Ronaldo ili lider kimi bitirir

“Əl-Nəsr”in hücumçusu Kriştiano Ronaldo Səudiyyə Ərəbistanı çempionatının 18-ci turunun “Əl-İttihad”la görüşündə iki qol vurub.

Komanda.az xəbər verir ki, portuqaliyalı forvard bununla da, 2023-cü ili qol sayına görə lider kimi tamamlayıb. 

Matç “Əl-Nəsr”in 5:2 hesablı qələbəsi ilə başa çatıb.

Ronaldo 19 və 68-ci dəqiqələrdə penaltiləri dəqiq yerinə yetirib. 38 yaşlı futbolçu 2023-cü ildəki qollarının sayını 53-ə çatdıraraq, hərəyə 52 dəfə fərqlənən PSJ-nin hücumçusu Kilian Mbappe və “Bayern”in forvardı Harri Keyni geridə qoyub.