“Növbəti mövsümdə də oynamağa davam edəcəm, sonra…” – Ronaldo

Səudiyyə Ərəbistanının “Əl-Nəsr” klubunun hücumçusu Kriştiano Ronaldo hələ karyerasını bitirmək barədə düşünmədiyini bildirib.

Komanda.az xarici KİV-ə istinadən xəbər verir ki, o, növbəti mövsümdə də oynamağa davam edəcəyini deyib:

“Azarkeşlər məni sevindirir, mən də qarşılıq verirəm. Növbəti mövsümdə də oynamağa davam edəcəm, sonra davam edib-etməyəcəyimi düşünəcəm.

Məni zirvələrə çatdıran zəhmətdir. Komandam olmasaydı, bunların heç biri baş verməzdi. Mən Səudiyyə Ərəbistanı klubunda olduğum üçün çox xoşbəxtəm. Onlara çox minnətdaram ki, 38 yaşımda hələ də komandama kömək edirəm”.