Ronaldo Messinin komandası ilə oyunu buraxacaq?

“Əl-Nəsr”in hücumçusu Kriştiano Ronaldo fevralın 1-də Ər-Riyadda keçiriləcək “İnter Mayami” ilə yoldaşlıq görüşünü buraxa bilər.

Komanda.az “Arab Sports”-a istinadən xəbər verir ki, portuqaliyalı forvard zədə səbəbindən bu matçı buraxa bilər. Onun Çindəki təlim-məşq toplanışında iştirakı da sual altındadır.

“İnter Mayami”də Lionel Messi oynayır. Əvvəllər Ronaldo və Messi uzun illər İspaniya çempionatında bir-birinə qarşı oynayıblar, onlar müvafiq olaraq “Real” və “Barselona”da çıxış ediblər.