Kazemiro Ronaldo ilə eyni klubda çıxış edə bilər

“Mançester Yunayted”in yarımmüdafiəçisi Kazemiro Səudiyyə Ərəbistanı çempionatına transfer oluna bilər.

Komanda.az “Relevo”-ya istinadən xəbər verir ki, portuqaliyalı hücumçu Kriştiano Ronaldonun çıxış etdiyi “Əl-Nəsr” braziliyalı futbolçu ilə müqavilə bağlamaqda maraqlıdır. Klub rəhbərliyi bu yay Kazemironu transfer etmək üçün ciddi məbləğdə pul xərcləməyə hazırdır. Yarımmüdafiəçi özü “Mançester Yunayted”in yekun qərarını gözləyir. Onu Səudiyyə Ərəbistanına köçmək fikri cəlb edir.

32 yaşlı futbolçu 2023/2024 mövsümündə “qırmızı şeytanlar”ın heyətində 32 oyun keçirib, 5 qol vurub və 3 məhsuldar ötürmə edib.