“Ronaldo yaxşı rəqs edir” – Portuqaliyalı futbolçu

“Mançester Yunayted”in və Portuqaliya millisinin yarımmüdafiəçisi Bruno Fernandes hazırda Səudiyyə Ərəbistanının “Əl-Nəsr” klubunda çıxış edən hücumçu Kriştiano Ronaldo haqda danışıb.

Komanda.az “Goal”-a istinadən xəbər verir ki, portuqaliyalı futbolçu, həmyerlisinin yaxşı rəqs etdiyini bildirib:

“Ronaldo haqqında bilmədiyiniz çox şey var. Onun həyatının necə olduğunu anlamaq üçün mütəmadi olaraq ətrafında olmalısız. Məsələn, Ronaldo yaxşı rəqs edir, yaxşı hərəkət edir”.

Ronaldo ötən ilin yanvarından “Əl-Nəsr”in rənglərini qoruyur. O, Səudiyyə Ərəbistanı çempionatının cari mövsümündə 9 oyun keçirib, 6 qol vurub və 2 məhsuldar ötürmə edib.