Ronaldo: “Möhtəşəm qələbə mənim qollarıma görə deyildi”

“Əl-Nəsr” dünən derbidə “Əl-Hilal”ı 3:1 hesabı ilə məğlub edib. Komandanın hücumçusu Kriştiano Ronaldo bu matçda iki qolla yadda qalıb.

Komanda.az xarici KİV-ə istinadən xəbər verir ki, portuqaliyalı futbolçu bu qələbənin onun qollarına görə olmadığını deyib:

“Möhtəşəm qələbə mənim qollarıma görə deyildi. “Əl-Hilal”a qarşı oyunda iki qol vurduğum üçün xoşbəxtəm, amma ən əsası derbidə qalib gəlməkdir. Biz evdə fantastik komandaya qarşı oynadıq, bu, həmişə çətin olur. Bunu dəyərləndirib irəli getməliyik. Qarşıda 9 liqa oyunu və bir Çempionlar Liqası matçı var. Hər şeyə inanmaq lazımdır”.

Ronaldo karyerasında min qol həddinə bir az da yaxınlaşıb. Hazırda onun aktivində ümumilikdə 931 qol var.