Ronaldonun taleyinə aydınlıq gələ bilər – bu gün

 “Mançester Yunayted”in hücumçusu Kriştiano Ronaldo bu gün klubun bazasını ziyarət edəcək.

Komanda.az “Sky Sport”-a istinadən xəbər verir ki, 37 yaşlı portuqaliyalı “Mançester Yunayted”in yeni baş məşqçisi Erik ten Haqla görüşərək, klubdakı gələcəyini müzakirə edəcək.

MY Ronaldonu əvəz edəcək futbolçu axtarmır, hücumçunun özü isə getməyə hazırlaşır. O, Çempionlar Liqasında çıxış edən komandaya getmək istəyir.

Ronaldo 2021-ci ilin avqustunda “Mançester Yunayted”ə qayıdıb. Hücumçu ötən mövsüm bütün turnirlərdə 37 oyuna çıxıb, 24 qol vurub və 3 məhsuldar ötürmə edib.

Portuqaliyalı futbolçu ilə “Çelsi”, “Bayern” və “Atletiko” maraqlanır.

Bizi Telegramda izləyin