“Ronaldo əsl robotdur”

“Barselona”nın qapıçısı Voyçex Şesnı 39 yaşlı hücumçu Kriştiano Ronaldo haqda fikirlərini açıqlayıb.

Komanda.az xəbər verir ki, polşalı qolkiper “football__tweet” hesabındakı paylaşımında Ronaldonun gənclər üçün nümunə olduğunu bildirib:

“Ronaldo qol maşınıdır. O, əsl robotdur. Kriştiano işləməyə davam edir, hər gün təkmilləşmək istəyir. O, gənclər üçün nümunədir”.

Portuqaliyalı futbolçu Səudiyyə Ərəbistanı çempionatının cari mövsümündə 17 oyun keçirib, 15 qol vurub və 3 məhsuldar ötürmə edib. Onun “Əl-Nəsr”lə hazırkı müqaviləsi 2025-ci ilin sonuna qədər nəzərdə tutulub.