Ronaldo azarkeşlərin hücumuna məruz qaldı – FOTO

Braziliyalı keçmiş hücumçu Ronaldo milli komandanın DÇ-2022-nin 1/8 finalında Cənubi Koreya ilə matçından sonra (4:1) “974” stadionunda izdihamla üzləşib.

Komanda.az xarici KİV-ə istinadən xəbər verir ki, azarkeşlər foto çəkdirmək üçün Ronaldonun üzərinə hücum çəkiblər. Azarkeşlər təhlükəsizlik işçiləri tərəfindən hadisə yerindən uzaqlaşdırılıb.

Braziliya millisi DÇ-2022-nin 1/4 final mərhələsində Xorvatiya yığması ilə qarşılaşacaq.