Ronaldo 5-ci oldu

Portuqaliya millisi UEFA Millətlər Liqasının final matçında Hollandiyanı 1:0 hesabıyla məğlub edərək, turnirin qalibi olub.

Komanda.az xarici mətbuata istinadən xəbər verir ki, sözügedən qarşılaşma Portuqaliya yığmasının üzvü Kriştiano Ronaldo üçün əlamətdar olub. 34 yaşlı hücumçu milli forma ilə 158-ci oyununa çıxıb. Ronaldo bununla da, Avropada milli komanda heyətində ən çox oyun keçirən 5-ci futbolçu olub.

Avropada milli komanda ilə ən çox oyun keçirən futbolçu Canluici Buffondur. 41 yaşlı qapıçı İtaliya millisi ilə 176 oyuna çıxıb.