Ronaldo: “1000 qol vurmaq istədiyimi açıq şəkildə söylədim”

“Əl-Nəsr”in və Portuqaliya millisinin hücumçusu Kriştiano Ronaldo karyerasında 1000 qol həddinə çatmaq istəyib-istəmədiyi ilə bağlı sualı cavablandırıb.

Komanda.az “A Bola”-ya istinadən xəbər verir ki, Ronaldo artıq uzun müddət sonranı düşünə bilmədyini deyib:

“Düzünü desəm, həyatda və futbolda indi hər şeyə indi yaşadığım şəkildə yanaşıram. Artıq uzun müddət sonranı düşünə bilmirəm. Mən anı yaşayıram və anın həzzini alıram. 1000 qol vurmaq istədiyimi açıq şəkildə söylədim. Bunu bacarıramsa, yaxşı, yoxsa, heç kim məndən çox qol vurmayıb…”

Hazırda Ronaldonun hesabında 908 qol var. Onun 40 yaşı fevralda tamam olacaq.