Romaya qayıtmaq istəmir

Son mövsümü icarə əsasında “Milan”da keçirən “Roma”nın müdafiəçisi Alessandro Florensi karyerasını elə bu klubda da davam etdirə bilər.

Komanda.az İtaliya mətbuatına istinadən xəbər verir ki, 31 yaşlı futbolçu “Milan”da qalmaq istəyir. Tərəflər razılığa gəlməyə yaxındırlar. Florensinin transferi “Milan”a 4,5 milyon avrodan aşağı qiymətə başa gələcək.

Florensi ötən mövsüm bütün yarışlarda 30 oyunda 2 qol vurub. Onun “Roma” ilə müqaviləsi gələn mövsümün sonunda başa çatır. Futbolçu əvvəllər Fransanın PSJ və İspaniyanın “Valensiya” klublarında da çıxış edib.

Bizi Telegramda izləyin