Şomurodov Türkiyə klubuna keçir

“Roma”nın hücumçusu Eldor Şomurodovun “Başakşəhər”ə keçidi yaxınlaşır.

Komanda.az xarici KİV-ə istinadən xəbər verir ki, tərəflər artıq danışıqların aktiv mərhələsini yekunlaşdırıb və hazırda son formal məsələlər üzərində işləyirlər.

İtaliya təmsilçisi 30 yaşlı Şomurodovu satmaq niyyətindədir və ondan 7-8 milyon avro gəlir əldə etməyi planlaşdırır.

Özbək futbolçu 2024/25 mövsümündə bütün klub turnirlərində 37 oyuna çıxaraq, 7 qol vurub və 5 məhsuldar ötürmə ilə yadda qalıb. Onun “Roma” ilə müqaviləsinin müddəti 30 iyun 2026-cı ilə qədərdir.