“Bu, artıq problemdir” – Mourinyo

“Roma”nın baş məşqçisi Joze Mourinyo İtaliya A Seriyasının 21-ci turunda “Yuventus”a qarşı keçirdikləri oyunu şərh edib.

Komanda.az xəbər verir ki, DAZN telekanalına danışan portuqaliyalı mütəxəssis, 3:4 hesabıyla uduzduqları matçla bağlı bunları deyib:

“Tənqid etmək istəmirəm, amma edəcəm. Xüsusilə, bəzi məqamlarda ciddi səhvlər etdik. 70 dəqiqə oyunu nəzarətdə saxladıq. Möhtəşəm oyun keçirən Feliks Afena-Qyanın əvəzinə Eldor Şomurodov meydana çıxdı və bir dəqiqədə səhv etdi. Bu, artıq problemdir. Ötən il də belə problemlərə görə “Roma” böyük oyunları qazana bilməyib”.