Roman Abramoviç məhkəmədə uduzub

“Çelsi”nin keçmiş sahibi, rusiyalı iş adamı Roman Abramoviç Avropa İttifaqı sanksiyalarının ləğvi ilə bağlı məhkəmədə uduzub.

Komanda.az “Reuters”-ə istinadən xəbər verir ki, Ukrayna hadisələri başlayandan sonra Abramoviçə qarşı sanksiyalar tətbiq edilib. İş adamı bununla bağlı məhkəməyə müraciət etmək qərarına gəlmişdi.

Xatırladaq ki, sanksiyalara məruz qalan Abramoviç 2022-ci ildə “Çelsi”ni satıb. London klubu amerikalı sahibkar Todd Boley tərəfindən 4,82 milyard avroya alınıb. Razılaşmadan əldə edilən 2,6 milyard avronun Ukraynaya humanitar yardıma xərclənəcəyi güman edilir.