“Roma”da yeni müqavilə

“Roma” futbolçusu Brayan Kristante ilə müqavilənin müddətini uzadıb.

Komanda.az İtaliya mətbuatına istinadən xəbər verir ki, paytaxt təmsilçisi 27 yaşlı yarımmüdafiəçi ilə 2027-ci ilin iyun ayının sonuna qədər, illik 3 milyon avro maaşla yeni müqavilə imzalayıb.

Brayan Kristante 2019-cu ilin iyulundan “Roma”da çıxış edir. O, bu mövsüm “canavarlar”ın heyətində 25 matça çıxıb, 1 qol vurub və 2 məhsuldar ötürmə edib.