“Roma” özbək hücumçunu “Everton”un futbolçusu ilə əvəzləmək istəyir

“Roma” klubu hücumçu Eldor Şomuradovu əvəzləmək üçün yeni oyunçu tapıb.

Komanda.az “Il Messaggero”-ya istinadən xəbər verir ki, Roma klubu və Özbəkistan millisinin futbolçusunun nümayəndələri onu başqa kluba göndərmək üçün danışıqlar aparırlar.

Romalılar Şomuradovun yerinə “Everton”un hücumçusu Beto ilə maraqlanır. Beto əvvəllər İtaliyada “Udineze”də oynayıb. “Everton” hücumçusunu icarəyə vermək istəməsə də, onu 16 milyon avroya satmağa hazırdır.

26 yaşlı futbolçu bu mövsüm İngiltərə Premyer Liqasında 11 oyuna çıxıb və 1 qol vurub. Betonun “Everton”la müqaviləsi 2027-ci ilin iyun ayının 30-dəkdir və onun transfer dəyəri 20 milyon avro olaraq qiymətləndirilir.