“Yuventus” “Roma”ya “yox” dedi

İtaliyanın “Roma” klubunun “Yuventus”un futbolçusu Daniele Ruqanini transfer etmək niyyətində olduğunu xəbər vermişdik.

Komanda.az İtaliya mətbuatına istinadən xəbər verir ki, Ruqanini satınalma hüququ ilə birlikdə icarəyə götürmək istəyən “canavarlar”ın bu planı baş tutmayıb. “Yuventus” 25 yaşlı futbolçunu “Roma”ya icarəyə verməkdən imtina edib. Daha əvvəl paytaxt klubunun bu keçid üçün “qoca sinyora”ya 3 milyon avro təzminat məbləği təklif edəcəyi bildirilirdi.

İtaliya millisinin də formasını geyinən Ruqaninin “Yuventus”la müqaviləsi 2023-cü ilin yayına qədərdir.