“Roma” futbolçusunu icarəyə verib

“Roma”nın hücumçusu Eldor Şomurodov “Salernitana”ya icarəyə verilib.

Komanda.az “Tuttosport”-a istinadən xəbər verir ki, cari mövsümün əvvəlindən Şomurodov İtaliyanın “Kalyari” klubunda icarə əsasında çıxış edirdi. Asiyalı forvard İtaliya A Seriyasında “Kalyari”nin heyətində 11 oyun keçirib və 2 məhsuldar ötürmə edib.

28 yaşlı hücumçu 2021-ci ilin yayında “Roma”ya keçib. O, əvvəllər “Cenoa”, “Rostov” və digər klubların da formasını geyinib.

“Salernitana” cari çempionatda 12 xal toplayaraq sonuncu, 20-ci yerdədir.