“Bu qələbə bizə çox lazım idi”

Braziliya millisinin hücumçusu Rodriqo DÇ-2026-nın seçmə mərhələsində Ekvador yığması ilə oyundan sonra mətbuata açıqlama verib. 1:0 hesabı ilə qalib gələn komandanın yeganə qoluna “Real”ın forvardı imza atıb.

Komanda.az “TV Globo”-ya istinadən xəbər verir ki, braziliyalı futbolçu üç xaldan və vurulan qoldan razı olduğunu bildirib:

“Bu qələbə bizə çox lazım idi. Gözəl olub-olmamasının fərqi yoxdur. Üç xaldan və vurulan qoldan razıyam. Ümid edirəm ki, bu uğur bizə daha yaxşı oynamağa və əldə etmək istədiyimiz səviyyəyə çatmağa kömək edəcək”.

Braziliya millisi ardıcıl 3 məğlubiyyət seriyasını qırıb. Komanda turnir cədvəlində 4-cü pilləyə yüksəlib.