“Rodrini əvəz etmək böyük işdir, çox çətindir” – Kovaçiç

“Mançester Siti”nin yarımmüdafiəçisi Mateo Kovaçiç komanda yoldaşı Rodrini əvəzləmək fürsəti qazanıb.

Komanda.az xarici KİV-ə istinadən xəbər verir ki, o, belə bir təzyiqlə üzləşdiyinə görə məmnundur:

“Rodrini əvəz etmək böyük işdir, çox çətindir. Ancaq belə bir təzyiqlə üzləşməkdən və komandada mühüm rol oynamaqdan məmnunam”.

Bu yaxınlarda “qızıl top”u qazanan Rodri sentyabrda “Arsenal”la oyunda zədələnib. O, çarpaz bağın yırtılması səbəbindən mövsümün qalan hissəsini buraxacaq.

“Şəhərlilər” bu gün Premyer Liqanın 11-ci turu çərçivəsində səfərdə “Brayton”la qarşılaşacaq.