“Rodri dünyanın ən yaxşı yarımmüdafiəçilərindən biridir”

İspaniya millisinin baş məşqçisi Luis de la Fuente yığmanın və “Mançester Siti”nin yarımmüdafiəçisi Rodri Hernandes haqda fikirlərini bölüşüb.

Komanda.az UEFA-nın mətbuat xidmətinə istinadən xəbər verir ki, o, ispaniyalı futbolçunun yaxşı oyunçu olduğunu bildirib:

“Rodri dünya futbolunun ən yaxşı yarımmüdafiəçilərindən biridir. O, mükəmməl “altı nömrə”dir. Həm hücumda, həm də müdafiədə yaxşı çıxış edə bilir. Onun əsas xüsusiyyətini – təvazökarlığını da qeyd etmək istərdim. Bu keyfiyyət sayəsində Rodri irəliləməyi dayandırmır”.

Rodri İspaniya millisinin heyətində Almaniyada keçirilən turnirdə Avropa çempionu olub. “Mançester Siti”nin yarımmüdafiəçisi 2024-cü ildə “qızıl top”u qazanmaq üçün favoritlərdən biri hesab olunur.