“Rodri Busketsdən yaxşıdır” – Keçmiş futbolçu

“Valensiya”nın keçmiş qapıçısı Santyaqo Kanisares “qızıl top”un sahibi Rodri Hernandes və “Barselona”nın keçmiş yarımmüdafiəçisi Serxio Buskets arasında müqayisə aparıb.

Komanda.az “Marca”-ya istinadən xəbər verir ki, ispaniyalı keçmiş futbolçu, Rodrinin Busketsin səviyyəsinə çatdığını bildirib:

“Rodri Serxionun səviyyəsinə çatıb, şübhəm yoxdur. Onun bəzi keyfiyyətləri hətta Busketsdən də üstündür. Ancaq Serxioda Rodridə olmayan bir şey var. İndiki futboldan danışsaq, Rodri Busketsdən yaxşıdır”.

Rodri “Mançester Siti”nin futbolçusudur. 28 yaşlı ispaniyalı yarımmüdafiəçinin transfer dəyəri 130 milyon avro qiymətləndirilir. 36 yaşlı Buskets isə MLS-də, “İnter Mayami”də çıxış edir.