“Rodrinin xeyrinə seçimi başa düşürəm” – Keçmiş futbolçu

Niderland millisinin sabiq hücumçusu Rud Qullit “qızıl top”un səsverməsində “Mançester Siti”nin ispaniyalı yarımmüdafiəçisi Rodri Hernandesin qələbəsindən danışıb.

Komanda.az “Marca”-ya istinadən xəbər verir ki, niderlandlı keçmiş futbolçu, Rodrinin xeyrinə seçimi başa düşdüyünü bildirib:

“Rodri əla futbolçudur. Meydanda heyrətamiz şeylər icad edir. O, vacib oyunlarda həlledici qollar vurur, həm də mərkəz yarımmüdafiəçisidir. Rodrinin xeyrinə seçimi başa düşürəm, baxmayaraq ki, Vinisius Junioru mükafata layiq hesab edənlərin fikri ilə razılaşmaya bilmərəm. Əksinə olsaydı, Rodri narazı olardı”.

Rodri karyerasında ilk dəfə “qızıl top”u qazanıb. Vinisius səsvermədə ikinci, Çud Bellingem üçüncü olub.