Roberto Bordin: “Üstünlük rəqibdədi”

“Neftçi”nin baş məşqçisi Roberto Bordin Azərbaycan kubokunun 1/4 final mərhələsi çərçivəsində “Sumqayıt”a qarşı keçirdikləri ilk oyunu şərh edib.

Komanda.az xəbər verir ki, italiyalı mütəxəssis 0:1 hesabıyla uduzduqları matçdan sonra təşkil olunan mətbuat konfransında bunları söyləyib:

• Nəticə neqativdi. Oyun ürəyimi açmadı. İlk dəqiqələrdən qol vurmaq istəyirdik. Daha az risk etməliydik. Bilirdik ki, rəqib müdafiəyə meylli olacaq. 5 müdafiəçi ilə oynadılar. İlk hissədə çox qol imkanımız olmadı. Çünki rəqib çox qapanmışdı. İkinci hissə imkanlarımız çox oldu. Tural Axundovun epizodunda hesabı bərabərləşdirə bilərdik. Səhvimiz ondan ibarət idi ki, futbolçular tələsirdi, çox səbrsiz davranırdılar.
• Heyətdə etdiyiniz dəyişiklik nəylə bağlı idi? Emin Mahmudov, Baqali Dabo ehtiyatda qalmışdı…
• Hər ikisi zədə səbəbindən ilk dəqiqələrdən oynaya bilmədi. Dabo təzə sağaldığı üçün 2-ci hissə meydana buraxdım. Eminin isə dünən məşqdə də ağrıları var idi. Kubok iki oyundan ibarətdi deyə, risk etmədim.
• Nəticədən başqa nədən narazı qaldız?
• Tələskənlikdən narazı qaldım. İkinci hissə buna görə qapımızda qol görə bilərdik. Oyunçular çox səbrsiz davranırdılar. Səbrli olduqda, topa nəzarət edəndə rəqibə çətinlik yarada bilirdik.
• Şansları necə dəyərləndirirsiz?
• Üstünlük rəqibdədi. Səfərdə qalib gəliblər. Bu oyuna nəzər yetirdikdə bəzi məqamlar var ki, hər oyunçu üçün dərs olmalı, ondan nəticə çıxarmalıdılar. Bu oyunda qol imkanları dəyərləndirə bilmədilər deyə, növbəti oyunda cüzi imkanları da dəyərləndirməlidilər.

Şahin Cəfərov