Reytinq: “Qarabağ”la “Neftçi” gerilədi

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Komanda.az xəbər verir ki, 507 komandadan ibarət siyahıya Azərbaycanın dörd təmsilçisi düşüb.

Beş pillə geriləyən “Qarabağ” (183,75 xal) 53-cü sırada yer alıb. 15 pillə irəliləyən “Zirə” (62,25 xal) 369-cudur.

17 pillə irəliləyən “Sabah” (60,75) 388-ci, beş pillə geriləyən “Neftçi” (59,25 xal) isə 403-cüdür.

Dünya reytinqinə “Mançester Siti” (401 xal) başçılıq edir.