Reytinq: Azərbaycan millisinin mövqeyi dəyişmədi

FİFA milli komandaların yeni reytinq cədvəlini açıqlayıb.

Komanda.az ali futbol qurumunun saytına istinadən xəbər verir ki, yeni siyahıda Azərbaycan milli komandasının mövqeyi dəyişməyib. Canni De Byazinin rəhbərlik etdiyi komanda 1168,53 xalla 110-cu sırada qərarlaşıb.

Azərbaycan millisinin yoxlama oyunu çərçivəsində bu gün qarşılaşacağı Türkiyə yığması 1505,05 xalla 29-cu pillədədir.

Reytinq cədvəlinə 1783,38 xalla Belçika millisi başçılıq edir. 1757,3 xalla Fransa yığması 2-ci, 1742,65 xalı olan Braziliya isə 3-cüdür.