Reytinq: Azərbaycan millisi 3 pillə geriləyib

Azərbaycan millisi FİFA-nın reytinqində 3 pillə geriləyib.

Komanda.az qurumun mətbuat xidmətinə istinadən xəbər verir ki, Fernandu Santuşun rəhbərlik etdiyi komanda 119-cu pillədən 122-yə enib.

Yığma komanda hazırda 1148 xala malikdir.

Siyahıya 1885.36 xalla son dünya çempionu Argentina millisi başçılıq edir. İspaniya (1867,09) ikinci, Fransa (1862,03) isə üçüncü pillədə yer alıb.