Reşford “Mançester Yunayted”i “Arsenal”a dəyişir?

“Mançester Yunayted”in hücumçusu Markus Reşford komandanı tərk edə bilər.

Komanda.az “Football Insider”-ə istinadən xəbər verir ki, 26 yaşlı futbolçunun xidmətində Londonun “Arsenal” klubu maraqlıdır. “Topçular” cari mövsüm başa çatdıqdan sonra Reşfordu almağa çalışacaq.

Futbolçunun nizam-intizamla bağlı problemlərindən sonra “Mançester Yunayted”dəki gələcəyi şübhə altındadır.

“Mançester Yunayted” məşqdən yayınıb partidə iştirak etdiyinə görə Reşfordu 764 min avro cərimələyib. O, bu mövsüm bütün yarışlarda 27 oyun keçirib, 5 qol vurub və 6 məhsuldar ötürmə edib.