DÇ-2022: “Reşford oyundan həzz almağı bacarır”

İngiltərə millisinin və “Mançester Yunayted”in müdafiəçisi Harri Maquayr komanda yoldaşı Markus Reşford haqda fikirlərini bölüşüb.

Komanda.az “talkSPORT”-a istinadən xəbər verir ki, o, Reşfordun oynamaqdan həzz aldığını deyib:

“Mançester Yunayted”də çətin mövsüm keçirdik. Bu, hamıya təsir göstərdi. Markus Reşford isə daha sərbəst oynayır, oyundan həzz almağı bacarır”.

Maquayr və Reşfordun çıxış etdiyi İngiltərə millisi bu gün DÇ-2022-nin 1/8 final mərhələsində Seneqal yığması ilə qarşılaşır.