Renatın komandası səfərdən xalsız döndü

Futbol üzrə İsveçrə çempionatında 22-ci turun oyunları keçirilib.

Komanda.az xəbər verir ki, Azərbaycan millisinin hücumçusu Renat Dadaşovun formasını geyindiyi “Qrasshopper” də növbəti matçına çıxıb.

Sözügedən kollektiv səfərdə “Lutsern”lə qarşılaşıb. Futbolçumuzun komandası bu oyundan məğlubiyyətlə ayrılıb – 0:1.

Renat da bu görüşün iştirakçısı olub. O, start heyətdə meydana çıxıb və 88-ci dəqiqədə əvəzlənib.

“Qrasshopper” 22 turdan sonra 24 xalla 10 iştirakçı arasında 7-ci pillədə qərarlaşıb.