Renat Dadaşov qovuldu

Futbol üzrə Portuqaliya Sequndasında 32-ci turun oyunları keçirilib.

Komanda.az xəbər verir ki, Azərbaycan yığmasının futbolçusu Renat Dadaşovun formasını geyindiyi “Eştoril” də növbəti matçına çıxıb.

Sözügedən kollektiv doğma meydanda “Akademiko Vizeu” ilə qarşılaşıb. Futbolçumuzun komandası bu oyundan məğlubiyyətlə ayrılıb – 1:3.

Dadaşov da bu oyunun iştirakçısı olub. O, start heyətdə meydana çıxıb. Lakin 54-cü dəqiqədə birbaşa qırmızı vərəqə alaraq meydandan qovulub.

“Eştoril” 32 oyuna topladığı 51 xalla 18 kollektiv arasında 4-cü pillədə qərarlaşıb.