“Rekordlar yalnız media üçündür, biz bu haqda danışmırıq” – Van Dayk

İngiltərə Premyer Liqasının 28-ci turu çərçivəsində “Uotford”a 0:3 hesabıyla məğlub olan “Liverpul”un müdafiəçisi Vircil van Dayk açıqlama verib.

Komanda.az klubun mətbuat xidmətinə istinadən xəbər verir ki, niderlandlı futbolçu, mövsümün ilk məğlubiyyətini belə şərh edib:

“Oyunlarına, yaratdıqları şanslara baxanda, “Uotford”un buna layiq olduğunu görürük. Çox qol epizodu yarada bilmədik. Qəbul etmək çətin olsa da, bu, futboldur, belə hallar olur. Komanda olaraq oyunumuzu yaxşılaşdırmalıyıq. Son iki oyunda beş qol buraxmışıq, amma ümumi mövsümə diqqət etsək, müdafiənin yaxşı olduğunu görərik. Rekordlar yalnız media üçündür, biz bu haqda danışmırıq. Bütün mövsümboyu məğlub olmamışdıq. Rəqib çox yaxşı idi, amma biz daha yaxşısını etməli idik”.