“Real”la oyundan zövq alacam” – Qrizmann

“Barselona” İspaniya La Liqasının 10-cu turundan təxirə salınmış oyunda “Real”la qarşılaşacaq.

Komanda.az xarici mətbuata istinadən xəbər verir ki, Kataloniya təmsilçisinin futbolçusu Antuan Qrizmann, sabah keçiriləcək görüşlə bağlı fikirlərini bildirib. Fransız hücumçu oyun haqda bunları deyib:

“Bu inanılmaz mübarizəni əvvəllər televiziyadan izləyirdim. Ancaq indi bu möhtəşəm oyunun iştirakçısı ola bilərəm. “El klasiko” futbolçulardan tutmuş azarkeşlərə qədər, bütün dünyanın gözlədiyi oyundur. Ümid edirəm ki, bu matçda maksimum yaxşı oyun sərgiləyərəm. Bizim üçün çox vacib görüş olacaq və “Real”la oyundan zövq alacam”.

Sabah keçiriləcək “Barselona” – “Real” matçı saat 23:00-da start götürəcək.