“Real”la oyundan əvvəl “Barselona”da itkilər

“Barselona”nın futbolçuları Jerar Pike və Serjino Dest və UEFA Avropa Liqasının 1/8 final mərhələsinin “Qalatasaray”la oyununda (2:1) zədələniblər.

Komanda.az xəbər verir ki, bu barədə AS nəşri məlumat yayıb. Dest matçın 56-cı dəqiqəsində əvəzlənib. Onun budunun arxa əzələləri zədələnib. Cinah müdafiəçisinin bir neçə həftə yaşıl meydanlardan kənarda qalacağı və iki gün sonra keçiriləcək “el klasiko”da iştirak etməyəcəyi bildirilib. 

Pike isə 81-ci dəqiqədə narahatlıq hiss edərək meydanı tərk edib. Onun “Real”la oyunda iştirakı sual altındadır.

Martın 20-də keçiriləcək “Real” – “Barselona” matçı Bakı vaxtı ilə saat 00:00-da başlayacaq.