“Real”ın zədəli futbolçuları yaşıl meydanlara nə vaxt qayıdacaqlar?

İspaniyanın “Real” klubunun zədəli futbolçuları Rodriqo və Lukas Vaskesin yaşıl meydanlara qayıdacağı vaxt bəlli olub.

Komanda.az xəbər verir ki, bu barədə “Marca” nəşri məlumat yayıb.

Əzələsində problem aşkarlanan braziliyalı vinger 5-6 həftə, Vaskes isə təxminən 1 ay meydana çıxa bilməyəcək.

Hər iki oyunçu “Osasuna”ya dörd cavabsız qolla qalib gəldikləri La Liqanın 13-cü turunun matçında zədələniblər.